اهلا بكم في منتدى mr aboody
اهلا بك في منتدى

mr aboody

ارجو التسجيل المنتدى يحتاج مشرفين واعضاء

اهلا بكم في منتدى mr aboody


 
الرئيسيةالبوابةاليوميةس .و .جالأعضاءالمجموعاتالتسجيلدخولالعاب فلاشيه

شاطر | 
 

 بعض قصائد الامير خالد الفيصل

اذهب الى الأسفل 
كاتب الموضوعرسالة
عاشق البرسا
الاعضاء


عدد المساهمات : 45
تاريخ التسجيل : 25/04/2011

مُساهمةموضوع: بعض قصائد الامير خالد الفيصل   الإثنين 15 أغسطس - 23:24


لا تقول



لا تقول ان الليالي فرقتنا
لا تقول ظروفنا عيّت علينا
الليالي يوم ودك جمعتّنا
يوك ودّك كل شي في يدينا
يا سقى الله ليله بك عرّفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه كن ما ارتوينا
ليتها يا ليتها ما ودّعتنا
ليت ذاك الليل ما راح وسرينا
يوم هملنّا الليالي هملتنا
كيف تعطينا وحنّا ما عطينا
الليالي عن هوانا ما نهتنا
البلا حنّا على البعد انتهينا



من عذابي



من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا



قالت من انت


قــالت مــن انــت ؟ وقــلــت مجمــوعة انــســان


مـــن كـــل ضـــد و ضــــد تـلقـيــن فـينـي


فــيـنـي نــهـــار ولــيــل وافـــراح و احــزان


اضـــحــك ودمـــعــي حـــايـر وســط عينــي


وفــيــنـي بــدابة وقـت و نــهـــا ية ازمـــــان


اشــــتاق بــاكــــر واعــطـــي امســي حنيـني


واســقـي قــلوب الــناس عــشــــقٍ وظــمـيـان


واهـــدي حـــيارى الــدرب واحـــتـار ويــــنـي


واحـــاوم صـــقور الــهـــوا حـــوم نشــــوان


واســـيــل الــوديـــــان دمــــــع حــزيـنِ


فــي عــيـني الـيمنــى مـن الورد بــســــتـــان


وفــــي عيـــنــي الــيــســرا عـجـاج الـسـنينِ


تــهــزمنــي الـنجــلا وانــا نــد فـــرســـان


واخـــفـــي طــعونــي والـمحــبــه تــبـيــنِ


امـــا عــرفتــيني فـــلا نــــي بـــزعـــلان


حتـــى انــا تــرانــي احــتــرت فــيــنــي




لو يبور الملا


لو يبور الملأ ما أحسب حبيبي يبور
وأحـسب اني أموت ولايموت الوفا
وأحـسب انه على هاك المودة غيور
مـا احسب ان الشعاع اللي بقلبه طفا
كـيف يانور عينى وانت للعين نور
يـختفي نـور وصلك في ظلام الجفا
اثـر قلبك على فرقا الولايف جسور
واثـر طرفك اليا سهرت عيوني غفا
ويـن هاك الونين اللي يشق الصدور
ويـن هـاك الدموع اللي تشق الصفا
كـل حـي ٍ الـيا دارت لياليه يدور
كـل قـلب الـيا عفت جروحه عفا
ويل قلب توالت فوق جروحه كسور
كـل جـرح الهوي ياصاحبي ماكفا
التمس لك عذر لو كان ما أنت معذور
وان جـحدت الـموده بان لك ماخفا


يا مسافر للجفا


يا مسافر للجفا.. والوصل يبكي عليك


وين عهدك بالوفا.. للخفوق اللي يبيك


لي جناح ولك جناح ...ولا نطير الا سوا


اسقني عذب القراح ..لي زمان اشرب هوا


ليت لي قلب خلي .. ماعرف فرقا الوليف


لا عليه ولا علي ..لا ربيع ولا خريف


الهوى امره عجيب ..مره يسابق حلاه


ان صفا ود الحبيب ..الزمان ابعد مداه


ويل قلبي يالغرام ..كل يوم لي قصيد


اشتكى مني الكلام ..اجرح حروفه واعيد








اجاذبك الهوى



أجاذبك الهوى واطرب واغنى
وابادلك الغرام بكل فنى
واشاهد صنعة الله فى جمالك
وحكمه الذى فيك امتحنى


واشوف الود فى عيونك ولكن
يرد الود خوف فيك منى
ولاادرى ويش يخيفك يا حبيبى
وانا بك مغرم جاك متعنى


ولو انك تلاحظ شفت عينى
وهى تروى حديث الحب عنى
تنعم دام توك فـى شبابك
ليالى العمر ما قط امهلنى


تعال اسقيك من جدول غرامى
شراب فيه للعاشق تهنى
واهيم بك فى سماوات المحبه
الين انك بعد مثلى تغنى



ركب الاغراب


في غربتي ، عارضت أنا ركب الأغراب
أشـد .. وأنـزل .. والليالـي ركايـب
أضداد .. وأقران وعدوان .. وأصحـاب
متناقضات الخلـق .. ماغـاب غايـب
أسهر معـا تهويـم نجمـات الأحبـاب
حتي يصيـر النجـم بالصبـح غايـب
أصبح على فجرٍ ضحـوكٍ .. وعجـاب
وأمسي على همسات ، ستـر العجايـب
وقامت تجاذبني على درب .. الأسبـاب
نفس الشباب .. يحدهـا عقـل شايـب
مشيت في رمضا .. وسنّـدت بهضـاب
وعارضنـي سيـول ، وهبّـت هبايـب
وأمسيت في صحرا .. و قيّلت في غاب
ومن طاول الغربات ، شـاف العجايـب
مرتني الدمعـه ، بهـا الوجـد مـاذاب
في غربة الأشـواق ، راحـت هبايـب
مرتني البسمه ، تقـل فوقهـا حجـاب
وراك خجـلـي يـارسـول الحبـايـب
والحب.. مريتـه غريـبٍ علـى بـاب
عقب القصور .. أمست قصوره خرايب!!
بغيت أسلي خاطـره .. عقـب ماشـاب
لقيـت مـالـه بالتسـلـي طـلايـب
أقفى مع المقفيـن .. وجـلٍ ومرتـاب
على عقوق الوقـت ، بالحيـل عايـب
في غربتي .. مريـت رجلـي وركـاب
أرزاق .. من رب الخلايـق ، وهايـب





فدوة عيـــونك


فدوة عيونك لو غدت روح مغليك
وش عاد لو راحت لعينك عشاير
أبيع ما يغلى على الكون و أشريك
و أسوق لا جتني علومك بشاير
و إزعِل جميع الناس بالحيل و أرضيك
و أصبر ، لو دارت علي الدواير
و آخذ من أيامي لك أيام و أعطيك
و إن راح عمري لك ... فلا هو خساير


من بنات الريح ..


من بنات الريح لي صفرا جفول


كنها ظبي الفلا بجفالها


منوة الخيال عساف الخيول


زينها في دقها وجلالها


زينها ما شفت وصفه بالمثول


الله اللي بالجمال اصخى لها


تستذير كحيلتى من كل زول


ما يصخرها سوى خيالها


اذكر الله كل ما قامت تجول


و احمد الله خصنى بحبالها


كنها تمشي على قرع الطبول


فتنى اللي خافقه يبرى لها


ظافي القصه على الطرف الخجول


تنكسر شمس العصر بظلالها


وصفها وصف السحاب اللي يحول


كل عين تستخيل خيالها


او كما طاري على الخاطر عجول


صاحبه حقيقته ما طالها


كل رجل في حياته له ميول


والهوايه تمتلك رجالها



ليالي نجد

ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهمّ تالي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الزعيم
مؤسس المنتدى
avatar

عدد المساهمات : 458
تاريخ التسجيل : 20/12/2010

مُساهمةموضوع: رد: بعض قصائد الامير خالد الفيصل   الثلاثاء 16 أغسطس - 0:07

الله الله يا عاشق الببرسا على القصائد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mraboody.syriaforums.net
جنون العصر
المشرف العام
avatar

عدد المساهمات : 164
تاريخ التسجيل : 25/04/2011

مُساهمةموضوع: رد: بعض قصائد الامير خالد الفيصل   الثلاثاء 16 أغسطس - 0:09

مشكووووووووووووور



اخوي على القصيده



الجميله ولاترحمنا من جديدك



مع تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وعد شرف وبس
الاعضاء
avatar

عدد المساهمات : 121
تاريخ التسجيل : 24/04/2011

مُساهمةموضوع: رد: بعض قصائد الامير خالد الفيصل   السبت 20 أغسطس - 1:53

مشكووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بعض قصائد الامير خالد الفيصل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في منتدى mr aboody :: منتدى الادب والشعر :: شعر، دواوين شعر، أبيات شعر،قصائد مسموعه-
انتقل الى: